#Әсәкөнө
21:33 24.11.2023 16+
Әсәй! Ер йѳҙѳндәге иң гүзәл, иң ғәзиз һүҙ - әсәй! Шул һүҙ менән баланың теле асыла һәм ул бѳтә телдәрҙә лә берҙәй яғымлы яңғырай. Һәр кемдең дә иң яҡын кешеһе - әсәй. Әсәнең йомшаҡ ҡулдарын, мѳләйем ҡарашын, яғымлы һүҙҙәрен бер нимә менән дә сағыштырып булмайҙыр. Әсә йѳрәге - иң һиҙгере, тиҙәр. Унда балаға булған мѳхәббәт хисе бер ҡасан да һүнмәй.
Ишмырҙа ауылы төп дөйөм белем биреү мәктәбендә "Әсәйҙәр-тормош биҙәге" исемле байрам сараһы үтте. Уҡыусылар, иң ҡәҙерле кешеләре: әсәйҙәр, өләсәйҙәр,ҡартәсәйҙәр тураһында инша яҙҙылар, видео ҡотлау әҙерләнеләр, уларға арнап һөйөү тулы шиғырҙарын ятланылар, йырҙар йырланылар, дәртле бейеүҙәрен бүләк иттеләр һәм һәр төрлө музыка ҡоралдарында ла уйнап күрһәттеләр, йөрәк түренән сыҡҡан иң изге теләктәрен еткерҙеләр.
Һеҙгә булған беҙҙең хөрмәтебеҙ
Урын алһын йөрәк түрендә.
Шатлыҡ һәм ҡыуаныс, ҙур бәхеттәр
Юлдаш булһын һеҙгә ғүмергә.