Юлай Мәҡсүтов исемендәге мәҡәләләр конкурсының
11:56 22.01.2025 16+
Юлай Мәҡсүтов исемендәге мәҡәләләр конкурсының
ПОЛОЖЕНИЕҺЫ
«Йәшлек” гәзитенең Урал аръяғы райондары буйынса үҙ хәбәрсеһе булып эшләгән журналист Юлай Мәҡсүтовтың тыуыуына 63 йыл тулыуы айҡанлы Баймаҡ биләмә-ара үҙәк китапханаһы янында эшләүсе “Игебай мәктәбе” балалар ижади клубы үҫмерҙәр араһында Юлай Мәҡсүтов исемендәге мәҡәләләр конкурсы иғлан итә.
Юлай-Юламан псевдонимлы журналист мәҡәләләрендә көнүҙәк мәсьәләләрҙе күтәрә белеүе, уларҙы тәрән һәм киң анализлап оҫта яҙыуы менән ҡәләмдәштәренә өлгө, үҙ иленең ысын патриоты булды. Шуға күрә уның исемендәге конкурстың да төп темаһы – илһөйәрлек. Тыуған илде яратыу, киләсәктә Ватандың лайыҡлы улы һәм ҡыҙы булып үҫергә ынтылыу, яҡты маҡсаттарын тормошҡа ашырыу өсөн бөгөнгө үҫмер ниндәй булырға тейеш? Башҡаларға өлгө булырлыҡ тиҫтерҙәрегеҙ тураһында ла яҙырға була.
Ю.Мәҡсүтов исемендәге мәҡәләләр конкурсының шарттары:
1. Уҡыусыларҙың ижади эштәре 2025 йылдың 20 ғинуарынан 31 майға тиклем башҡорт телендә ҡабул ителә.
2. Илһөйәрлек темаһындағы яҙмаларҙың мәҡәлә жанрына тап килеүе мотлаҡ.
3. Фотоһүрәт менән биҙәргә мөмкин.
4. Конкурсанттарҙың эштәре 2 йәш категорияһында баһаланасаҡ:
- 5 - 8 кластар араһында (1-се, 2-се, 3-сө урындар);
- 9 – 11 кластар араһында (1-се, 2-се, 3-сө урындар).
5. Мәҡәләләрҙе Юлай Мәҡсүтов исемендәге премия лауреаты Гүзәл Иҫәнгилдина етәкселегендәге комиссия баһалаясаҡ.
6. “Һаҡмар” гәзите редакцияһы бер уҡыусыға махсус приз тапшырасаҡ.
7. Еңеүселәрҙең эштәре “Һаҡмар” гәзитендә баҫыласаҡ.
8. Мәҡәлә аҫтына уҡыусының исем-шәрифен, телефонын, уҡыған мәктәбенең, уҡытыусыһының исемен яҙырға онотмағыҙ!
9. Эштәрҙе “Бәйләнештә” селтәрендәге “Игебай мәктәбе” клубы. Баймаҡ” () төркөмөнә йәки “Игебай мәктәбе” клубы етәксеһе Айгөл Иҙелбаеваға ебәрегеҙ!
10. Еңеүселәрҙе бүләкләү тантанаһы июнь айында Юлай Мәҡсүтовтың Хәтер кисәһендә үтәсәк.
Һеҙҙән мәҡәләләр көтөп ҡалабыҙ, йәш ҡәләм тирбәтеүсе дуҫтарыбыҙ!
