Рекламный баннер 990x90px header-top
Рекламный баннер 728x90px center-top
Архив
Поделитесь новостями с жителями города
Если Вы стали свидетелем аварии, пожара, необычного погодного явления, провала дороги или прорыва теплотрассы, сообщите об этом в ленте народных новостей. Загружайте фотографии через специальную форму.
#23февраляБаймакскийрайон
00:14
03.02.2024
31 ғинуар Иҫке Сибай урта мәктәбендә күренекле журналист, яҙыусы, шағир, күп йырҙар авторы Мотал Зәкирйән улы Рәмов менән осрашыу үтте. Был сара ауылдашыбыҙҙың 60 йәшлек юбилейына бағышланды. Тәрбиәүи эштәр буйынса директор урынбаҫары Юлиә Шәһит ҡыҙы Ваһапова уҡыусыларҙы һәм саҡырылған ҡунаҡтарҙы Мотал Рәмовтың тормош юлы һәм ижады менән таныштырҙы.
Сара барышында шағирҙың һүҙҙәренә яҙылған йырҙар яңғыраны. Автор үҙенең шиғырҙарын да уҡып ишеттерҙе. Осрашыу мәктәп балалары әҙерләгән концерт номерҙары, уҡыусыларҙың ҡыҙыҡлы һорауҙары менән аралашып барҙы.
Район үҙәгенән килгән ҡунағыбыҙ, "Һаҡмар" гәзитенең баш мөхәррире урынбаҫары Азамат Салауат улы Мөхәммәтшин Журналистар союзынан һәм Баймаҡ районы ҡоролтайы исеменән маҡтау грамоталары тапшырҙы. Мәктәп директоры Сәлих Мөхитдин улы Рафиҡов үҙе етәкләгән коллектив исеменән ҡотлау һүҙҙәрен еткерҙе.
Сара аҙағында атайҙар ҡоро, мәктәп коллективы исеменән Мотал Зәкирйән улына иҫтәлекле бүләк тапшырылды. Был осрашыуҙы ойоштороуҙа ярҙам иткән атайҙар ҡоро рәйесе Сибай Сәмиғулла улы Утарбаевҡа ҙур рәхмәтебеҙҙе еткерәбеҙ.
Рекламный баннер 728x90px center-bottom